جوجل ادسنس / جوجل ادوورد / الرد الوافى فى معرفه سعر الكلمات الكافى

جوجل ادسنس / جوجل ادوورد / الرد الوافى فى معرفه سعر الكلمات الكافى

جوجل ادسنس / جوجل ادوورد / موقعك الالكترونى هو مشروعك الذى تتوسم فيه كسب المال من العمل على الانترنت

واى مشروع يحتاج الى دراسه جدوى وخطه عمل واهم جزء فى هذه الدراسه هى معرفه العائد على الاستثمار هل هيكون مجزى ويحقق مكاسب ولا لاء

يعنى انت هتستثمر وقت ومجهود مع بعض الاموال من اجل تحقيق المزيد من الاموال مع مرور الوقت – هتصرف جنيه علشان يرجع لك 10 جنيه مثلا يبقى انت حققت استثمار ناجح

وهنا انت بتركز على سعر + جوده علشان تحقق استثمار جيد ومستمر

وفى مدرستين فى التجاره عموما كل التجار بتمشى عليهم وبتحقق ارباح حسب كل مجال

المدرسه الاولى بتقولك بيع بسعر قليل هتبيع كتير فتكسب كتير مع قليل من الجوده

المدرسه الثانيه بتقولك بيع بسعر غالى هتبع قليل بس هتكسب كتير مع جوده عاليه

مع مرور الوقت هتلاقى ان المدرسه الاولى تتعرض لهزات وانتكاسات لعدم التطوير من نفسها لانه اعتمد على القليل من الجوده ومبقاش عنده اى تطوير لاى شىء

وهتلاقى المدرسه الثانيه تنمو وتتطور باستمرار لانه اعتمد على الجوده ومواكبه التطور

لان كل هدفه هو الحفاظ على نوعيه جمهوره وتقديم كوالتى يحوز رضاهم

ويتم تحديد اسعار اى شىء بناء على مزاد المستودع او اداء البورصه بعد دراسه السوق

ومزاد المسودع بالنسبه لنا هو اداه كيورد بلانر المخصصه لعرض احدث اسعار الكلمات فى مزاد مستودع الاعلانات التى يتم عرضها على الشبكه الاعلانيه لجوجل

هذه الاداه هى بوابه تحقيق العائد على الاستثمار بدمج رائع بين السعر والجوده معا

قبل ما تكتب اى موضوع او حتى قبل ما تبدء فى انشاء موقع بتاخد منها افضل الكلمات الموجوده ذات سعر عالى + طويله الذيل فقط لا غير بصرف النظر عن حجم البحث

1- اغلى الكلمات علشان تضمن الحد الادنى لسعر النقرات يكون عالى وتاخد نصيب مناسب

2- كلمات وعبارات طويله الذيل علشان تضمن الحد الادنى من الظهور والتفاعلات الحقيقيه

بشوف ناس كتير مستغربين ومصممين ان لازم كيورد بلانر يجيب حجم البحث وده بيعمل عندهم احباط كبير ويبقى واقف مكانه محلك سر ومش عارف يشتغل

بس للحقيقه هو لازم يعرف ان مفيش اداه ولا موقع فى العالم بما فيهم جوجل نفسه هيقدر يعرفك حجم البحث الحقيقى لاى كلمات فى اى وقت فحاول تشتغل بدون مماطله وابدء ب

أ – تجميع قائمه من الكلمات الاغلى سعرا بواسطه كيورد بلانر + عبارات الذيل الطويل

ب – تجميع قائمه من الكلمات ذات الصله الوثيقه بالموضوع بواسطه جوجل تريند

ج – الاستعانه ببعض العبارات التى حققت اداء جيد على الويب ماستر ظهور ونقرات

د – دمج هذه التوليفه من قوائم الكلمات المخصصه هذه داخل المقاله وفى سياق النص

الخلاصه: طالما عاوز تكسب كويس مع جوجل يجب عليك التركيز على اسعار الكلمات الاغلى كسعر يحقق طموحك + جوده عاليه بالكلمات طويله الذيل وكله موجود على كيورد بلانر وهتحس بكده مع استمرار الشغل على خطه العمل بالعائد على الاستثمار

انما هتعقد نفسك وتعطل شغلك بحجه انك مصمم تعرف حجم البحث وتتشرط قبل ما تشتغل يبقى هتفضل طول عمرك ف ال 1 سنت المشهور

لازم تخرج بقا من 1 سنت و 2 سنت وتتحرر وتتجرء للمطالبه ب 1 دولار و2 دولار او حتى 10 دولار لكل كلمه تقدر تضيفها الى مخزون المستودع الاعلانى لحسابك بمرور الوقت

ساعتها بس ممكن تكسب من الف زائر متفاعل ب 10% نسبه نقر = 100 نقره × 1 دولار يعنى 100 دولار بفضل تركيزك على اغلى سعر واطول كلمات تحقق التارجت المطلوب باقل مجهود علشان توصل للمقوله الشهيره ( يكسب حيث هو نائم ) باستمرار

مدونة تعلم سيو بلوجر